75-കാരനെ ഹണിട്രാപ്പില്‍പെടുത്തി പണം തട്ടി; സീരിയല്‍ നടിയും സുഹൃത്തും അറസ്റ്റില്‍

കൊല്ലം: വയോധികനെ ഹണിട്രാപ്പില്‍ കുടുക്കി 11 ലക്ഷം രൂപ തട്ടിയ കേസില്‍ സീരിയല്‍ നടിയും ആണ്‍സുഹൃത്തും അറസ്റ്റില്‍. പത്തനംതിട്ട മലയാലപ്പുഴ സ്വദേശി ബിനുവുമാണ് പൊലിസ് പിടിയിലായത്.

75കാരനായ പരാതിക്കാരന്റെ നഗ്‌നദൃശ്യങ്ങള്‍ പകര്‍ത്തിയായിരുന്നു ഹണിട്രാപ്പ്. അഭിഭാഷക കൂടിയായ നടിയും സുഹൃത്തും 11 ലക്ഷം രൂപ തട്ടിയെടുത്തതിന് ശേഷം വീണ്ടും 25 ലക്ഷം രൂപ ആവശ്യപ്പെട്ടുവെന്നും നിരന്തരം ഭീഷണിപ്പെടുത്തിയെന്നും വയോധികന്റെ പരാതിയില്‍ പറയുന്നു.

പൊലീസിന്റെ നിര്‍ദേശപ്രകാരം ബാക്കി പണം നല്‍കാനെന്ന പേരില്‍ പ്രതികളെ പട്ടത്തെ ഫ്‌ലാറ്റിലേക്ക് വിളിച്ചു വരുത്തി. അവിടെ വച്ച് പൊലീസ് അറസ്റ്റ് ചെയ്യുകയായിരുന്നു. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു. പ്രതികള്‍ സമാന തട്ടിപ്പ് മുമ്പ് നടത്തിയിട്ടുണ്ടോയെന്ന് അന്വേഷിച്ചു വരികയാണെന്ന് പൊലീസ് പറഞ്ഞു.