ആലക്കോട്: അമിതഭാരം കയറ്റിവന്ന മിനിലോറി അപകടത്തില്‍പെട്ടു. ഉദയഗിരി കുരിശു പള്ളിക്ക് സമീപം ഇന്നലെ വൈകിട്ട് നാലോടെയായിരുന്നു അപകടം. താളിപ്പാറയില്‍ നിന്ന് മരത്തടികളുമായി വരികയായിരുന്ന മിനിലോറിയാണ് അപകടത്തില്‍ പെട്ടത്.
കയറ്റം കയറുന്നതിനിടെ ഡ്രൈവര്‍ കാബിന്‍ ഉള്‍പ്പെടെ മുന്‍വശം പൊങ്ങുകയായിരുന്നു. പിന്നീട് മണ്ണുമാന്തി യന്ത്രത്തിന്റെ സഹായത്തോടെയാണ് മാറ്റിയത്. അമിതഭാരം കയറ്റിയുള്ള വാഹനങ്ങളുടെ സഞ്ചാരം പതിവായതോടെ മലയോര മേഖലയില്‍ ഇത്തരം അപകടങ്ങള്‍ തുടര്‍ക്കഥയാവുകയാണ്.