തമിഴ്‌നാട്ടില്‍ പടക്ക ഗോഡൗണില്‍ സ്‌ഫോടനം;എട്ട്‌ പേര്‍ക്ക് ദാരുണാന്ത്യം

കൃഷ്ണഗിരി: തമിഴ്‌നാട്ടില്‍ പടക്ക ഗോഡൗണിലുണ്ടായ തീപിടുത്തത്തില്‍ എട്ട്‌ പേര്‍ക്ക് ദാരുണാന്ത്യം. കൃഷ്ണഗിരി ജില്ലയിലെ പടക്ക സംഭരണ ശാലക്കാണ് തീപിടിച്ചത്. അപകടത്തില്‍ പത്ത് പേര്‍ക്ക് പരിക്കേറ്റിട്ടുണ്ട്. ഇവരെ സമീപത്തുള്ള ആശുപത്രിയിലേക്ക് മാറ്റിയിട്ടുണ്ട്. മൂന്നോളം വീടുകളും സ്‌ഫോടനത്തില്‍ തകര്‍ന്നിട്ടുണ്ട്.

അടുത്തുള്ള ഹോട്ടലില്‍ ഭക്ഷണം കഴിക്കാനെത്തിയവരാണ് കൊല്ലപ്പെട്ടത്. അഞ്ചുപേര്‍ സംഭവ സ്ഥലത്ത് ഇപ്പോഴും കുടുങ്ങി കിടക്കുന്നുണ്ട്. ഇവരെ രക്ഷപ്പെടുത്താനുള്ള ശ്രമങ്ങള്‍ പുരോഗമിക്കുകയാണ്. ജില്ലാ കളക്ടറുടെ നേതൃത്വത്തിലുള്ള പൊലിസ് സംഘം അപകടസ്ഥലം സന്ദര്‍ശിച്ച് അന്വേഷണം നടത്തി വരികയാണ്.