കൈവിട്ട് സൈക്കിൾ ചവിട്ടരുത്; യാത്രക്കാർക്ക് പുതിയ നിർദേശങ്ങളുമായി ട്രാഫിക് വകുപ്പ്

ജിദ്ദ: സഊദി അറേബ്യയിൽ സൈക്കിൾ യാത്രക്കാർ പാലിക്കേണ്ട നിർദ്ദേശങ്ങളും നിയന്ത്രണങ്ങളും ട്രാഫിക് വകുപ്പ് പുറപ്പെടുവിച്ചു. അപകടങ്ങളും പരുക്കുകളും ഒഴിവാക്കാൻ ലക്ഷ്യമിട്ടാണ് പുതിയ നിർദ്ദേശങ്ങളും നിയന്ത്രണങ്ങളും സഊദി പ്രഖ്യാപിച്ചത്. സൈക്കിൾ ഓടിക്കുമ്പോൾ സുരക്ഷ ഉറപ്പാക്കാണമെന്ന് മന്ത്രാലയം പറയുന്നു.

സൈക്കിൾ യാത്രക്കാർക്ക് നൽകിയ പ്രധാന നിർദേശങ്ങൾ.

• രണ്ടു കൈകൊണ്ടും പിടിച്ച് സൈക്കിൾ ഓടിക്കണം.
• ഡ്രൈവിങ്‌ സമയത്ത് ഹെൽമറ്റ് ധരിക്കണം.
• റോഡിലല്ലാതെ മറ്റൊന്നിലേക്കും ശ്രദ്ധ തിരിക്കരുത്.
• രാത്രിയിൽ സഞ്ചരിക്കുമ്പോൾ വസ്ത്രങ്ങളിലും സൈക്കിളിലും റിഫ്ലക്ടറുകൾ വെക്കണം.
• സൈക്കിളുകളിൽ മുന്നിലും പിന്നിലും ലൈറ്റുകളും സ്ഥാപിക്കണം.