സഊദി അറേബ്യയിൽ വീടിന് തീപിടിത്തം; നാല് പേർക്ക് പരിക്ക്

റിയാദ്: സഊദി അറേബ്യയിൽ വീടിന് തീപിടിച്ച് നാല് പേർക്ക് പരുക്ക്. കിഴക്കൻ പ്രവിശ്യയായ അൽഹസയിലെ അബൂതോർ ഗ്രാമത്തിലാണ് തീപിടിച്ചത്. പരിക്കേറ്റവർ സഊദി പൗരന്മാർ ആണെന്നാണ് പ്രാഥമിക വിവരം. ഇവരെ ആശുപത്രിയിലേക്ക് മാറ്റിയതായി സിവിൽ ഡിഫൻസ് അധികൃതർ അറിയിച്ചു. സിവിൽ ഡിഫൻസ് അധികൃതരുടെ നേതൃത്വത്തിൽ വീടിന്റെ തീയണച്ചു.

കിഴക്കൻ പ്രവിശ്യയിൽ തന്നെയുള്ള ഖത്വീഫിലെ അൽ ഔജാം ഡിസ്ട്രിക്റ്റിലെ ഒരു വീട്ടിലും തീപിടുത്തമുണ്ടായി. അപകടത്തിൽ ആർക്കും പരുക്കില്ലെന്ന് അധികൃതർ അറിയിച്ചു. സിവിൽ ഡിഫൻസ് തീയണച്ചു.