തലശ്ശേരി: ഉത്തര കേരള കവിതാ സാഹിത്യവേദിയുടെ ചിത്രകലാ പുരസ്‌കാരത്തിന് അശോക് കുമാര്‍ വടകര അര്‍ഹനായെന്ന് ഭാരവാഹികളായ സോമന്‍ മാഹിയും കവിയൂര്‍ രാഘവനും വാര്‍ത്താ സമ്മേളനത്തില്‍ അറിയിച്ചു.
 വടകര ഇരിങ്ങല്‍ സ്വദേശിയായ അശോക് കുമാര്‍ വടകര ചിത്രകലാ അധ്യാപകനാണ്. കേരളത്തിലൂടനീളം 500 ഓളം ചിത്രകലാ ക്യാംപുകള്‍ സംഘടിപ്പിച്ചിട്ടുണ്ട്. 28 ന് വൈകിട്ട് മൂന്നിന് കണ്ണൂര്‍ ബീറ്റ് ഹൗസ് ഓഡിറ്റോറിയത്തില്‍ നടക്കുന്ന സാഹിത്യ വേദിയുടെ കൃഷ്ണഗാഥ സമ്മേളനത്തില്‍വച്ച് സുമാ ബാലകൃഷ്ണന്‍ പുരസ്‌കാരം സമ്മാനിക്കും. 5001 രൂപയും പ്രശസ്തിപത്രവും ഫലകവും അടങ്ങുന്നതാണ് അവാര്‍ഡ്. വാര്‍ത്താ സമ്മേളനത്തില്‍ വിമലാ നാരായണന്‍, സൗമിനി മട്ടന്നൂര്‍ എന്നിവരും പങ്കെടുത്തു.