പെരിങ്ങത്തൂര്‍: പെരിങ്ങത്തൂര്‍ പള്ളി ഉറൂസ് മുബാറകിന്റെ മൂന്നാം ദിവസത്തെ പരിപാടി സമസ്ത  സെക്രട്ടറി പി.പി ഉമര്‍ മുസ്‌ലിയാര്‍ ഉദ്ഘാടനം ചെയ്തു. കീഴ്പാറ മുഹമ്മദലി ഹാജി അധ്യക്ഷനായി. മഖാം സിയാറത്തിന് ചേലക്കാട് മുഹമ്മദ് മുസ്‌ലിയാര്‍ നേത്യത്വം നല്‍കി. അബൂബക്കര്‍ അല്‍ ഖാസിമി പത്തനാപുരം മുഖ്യപ്രഭാഷണം നടത്തി. മുഹമ്മദ് ബാഖവി പാലത്തുങ്കര, കുറുവാളി മമ്മു ഹാജി, മജീദ് ദാരിമി, സ്വാലിഹ് ടി, പറമ്പത്ത് സുബൈര്‍ ഹാജി, എം.പി.കെ അയ്യൂബ്, ബഷീര്‍ സഫ സംസാരിച്ചു. അസീസ് കുന്നോത്ത് സ്വാഗതവും സലീം നന്ദിയും പറഞ്ഞു. ഇന്ന് രാവിലെ 10ന് നടക്കുന്ന സ്‌നേഹ സംഗമത്തില്‍ അഡ്വ. ഓണമ്പള്ളി മുഹമ്മദ് ഫൈസി സംബന്ധിക്കും. വൈകുന്നേരം നാലിന് നടക്കുന്ന മഖാം കൂട്ടസിയാറത്തിന് സമസ്ത പ്രസിഡന്റ് കുമരം പുത്തൂര്‍ എ.പി മുഹമ്മദ് മുസ്‌ലിയാര്‍ നേതൃത്വം നല്‍കും. രാത്രി ഏഴിന് നടക്കുന്ന മതപ്രഭാഷണം കേരള വഖഫ് ബോര്‍ഡ് ചെയര്‍മാന്‍ പാണക്കാട് സയ്യിദ് റഷീദലി ശിഹാബ് തങ്ങള്‍ ഉദ്ഘാടനം ചെയ്യും. കുമ്മനം നിസാമുദ്ദീന്‍ അസ്ഹരി പ്രഭാഷണം നടത്തും.