വീണ്ടും ഞെട്ടിച്ച് വാട്‌സ് ആപ്പ്; ഇനിമുതല്‍ വളരെ വേഗത്തില്‍ ഗ്രൂപ്പില്‍ ആളെ ചേര്‍ക്കാം

തുടര്‍ച്ചയായ അപ്‌ഡേറ്റുകള്‍ അവതരിപ്പിച്ച് ഉപഭോക്താക്കളെ ഞെട്ടിക്കുന്നത് വാട്‌സ് ആപ്പിന്റെ ഹോബിയാണ്. കഴിഞ്ഞ കുറച്ച് നാളുകളായി കസ്റ്റമേഴ്‌സിനെ പ്രീതിപ്പെടുത്താനായി നിരവധി ഫീച്ചറുകള്‍ കമ്പനി ഇതിനോടകം അവതരിപ്പിച്ച് കഴിഞ്ഞിട്ടുണ്ട്. ഗ്രൂപ്പ് ചാറ്റില്‍ നിന്ന് നേരിട്ട് പുതിയ അംഗങ്ങളെ ചേര്‍ക്കുന്ന ഫീച്ചറാണ് പുതിയതായി വാട്‌സ് ആപ്പ് അവതരിപ്പിക്കുന്നത്. തല്‍ക്കാലം പരീക്ഷണാടിസ്ഥാനത്തിലാണ് പുതിയ അപ്‌ഡേഷന്‍ തുടങ്ങുന്നത്. ഉടന്‍ തന്നെ എല്ലാ ഫോണുകളിലും ലഭ്യമായി തുടങ്ങും.

നിലവില്‍ ഗ്രൂപ്പ് ചാറ്റില്‍ പുതിയ ആളുകളെ ചേര്‍ക്കുന്നതിന് ഗ്രൂപ്പ് ഇന്‍ഫോ സെക്ഷനില്‍ കയറി മററ ുമൃശേരശുമിെേ എന്ന ഓപ്ഷനില്‍ ക്ലിക്ക് ചെയ്യണം. എന്നാല്‍ പുതിയ ഫീച്ചറിലൂടെ ഗ്രൂപ്പ് ചാറ്റില്‍ തെളിഞ്ഞുവരുന്ന ബാനറിലൂടെ നേരിട്ട് ചെയ്യാന്‍ സാധിക്കും. ഇതിലൂടെ ഗ്രൂപ്പില്‍ അംഗങ്ങളെ ചേര്‍ക്കുന്നത് സജീവമാക്കാനാണ് വാട്‌സ് ആപ്പ് ലക്ഷ്യം വെക്കുന്നത്.

അതേസമയം ഗ്രൂപ്പ് അഡ്മിന്‍മാര്‍ക്ക് ഈ ഓപ്ഷന്‍ വേണ്ടെന്ന് വെക്കാനുള്ള സൗകര്യവുമുണ്ടായിരിക്കും. ഗ്രൂപ്പിന്റെ അനുമതിയോടെ മാത്രമേ ഇത്തരത്തില്‍ ആളുകളെ ഉള്‍പെടുത്താന്‍ സാധിക്കൂ എന്ന് സാരം. പുതിയ ഫീച്ചര്‍ അഡ്മിന്‍മാര്‍ക്ക് വേണമെങ്കില്‍ എനേബിള്‍ ചെയ്ത് വെക്കുകയോ ഡിസേബിള്‍ ചെയ്ത് വെക്കുകയോ ചെയ്യാം. വാട്‌സ് ആപ്പിന്റെ പുതിയ ബീറ്റാ വെര്‍ഷന്‍ ഇന്‍സ്റ്റാള്‍ ചെയ്യുന്നവര്‍ക്ക് ഈ ഫീച്ചര്‍ ഉപയോഗപ്പെടുത്താവുന്നതാണ്.