നിയമസഭാ സമ്മേളനം ഓഗസ്റ്റ് ഏഴ് മുതല്‍

തിരുവനന്തപുരം:15-ാം നിയമസഭാ സമ്മേളനം ഓഗസ്റ്റ് ഏഴ് മുതല്‍ ആരംഭിക്കും. 12 ദിവസമാണ് സമ്മേളനം ചേരുക. ഒട്ടേറെ സുപ്രധാന ബില്ലുകള്‍ സമ്മേളനത്തില്‍ പരിഗണിക്കും.

സമ്മേളനത്തിന്റെ ആദ്യദിവസത്തില്‍ മുന്‍ മുഖ്യമന്ത്രി ഉമ്മന്‍ ചാണ്ടിയുടെ നിര്യാണത്തില്‍ അനുശോചനം രേഖപ്പെടുത്തി സഭ പിരിയും. ഓഗസ്റ്റ് 11, 18 തീയതികള്‍ അനൗദ്യോഗികാംഗങ്ങളുടെ കാര്യങ്ങള്‍ക്കായാണു വിനിയോഗിക്കുന്നത്. 2023-24 സാമ്പത്തിക വര്‍ഷത്തെ ബജറ്റിലെ ഉപധനാഭ്യര്‍ത്ഥനകള്‍ ഓഗസ്റ്റ് 21ാം തീയതി തിങ്കളാഴ്ചയാണു നിശ്ചയിച്ചിരിക്കുന്നത്. മറ്റു ദിവസങ്ങളില്‍ നിയമനിര്‍മാണത്തിനായി മാറ്റിവയ്ക്കപ്പെട്ട സമയങ്ങളില്‍ സഭ പരിഗണിക്കേണ്ട ബില്ലുകള്‍ ഏതൊക്കെയാണെന്നു കാര്യോപദേശക സമിതി ശുപാര്‍ശ ചെയ്യും.