പൂക്കള്‍ വിടരട്ടെ; 50 ലക്ഷം ചെടികള്‍ നട്ട് അബൂദബി

അബൂദബി: തെരുവുകളിലും പാര്‍ക്കുകളിലുമായി 50 ലക്ഷത്തോളം പൂക്കള്‍ വിടരുന്ന ചെടികള്‍ നട്ടുപിടിപ്പിച്ച് അബൂദബി മുനിസിപ്പാലിറ്റി. അബൂദബിയുടെ സൗന്ദര്യവത്കരണ നടപടികളുടെ ഭാഗമായി മുനിസിപ്പല്‍ വകുപ്പിന്റെ നിര്‍ദേശപ്രകാരമാണ് എല്ലാ കാലാവസ്ഥയ്ക്കും അനുയോജ്യമായ ചെടികള്‍ നട്ടത്.
ഈ വര്‍ഷം ഒരു കോടിയോളം പൂക്കളുണ്ടാകുന്ന ചെടികള്‍ നട്ടുപിടിപ്പിച്ച് ലോകത്തെ മനോഹരമായ നഗരങ്ങളിലൊന്നാക്കി അബൂദബിയെ മാറ്റുകയാണ് പദ്ധതിയുടെ ലക്ഷ്യം. ഓരേ പ്രദേശത്തും പൂക്കളുണ്ടാകുന്ന ചെടികളും ഹരിത ഇടങ്ങളാക്കുന്ന ചെടികളും നടാനും അവ സംരക്ഷിക്കാനും താമസക്കാരോടും സന്ദര്‍ശകരോടും മുനിസിപ്പല്‍ അധികൃതര്‍ അഭ്യര്‍ഥിച്ചു.