ഷാര്‍ജ: മുതിര്‍ന്ന പൗരന്മാര്‍ക്ക് ഷാര്‍ജ യൂണിവേഴ്‌സിറ്റി ഹോസ്പിറ്റലില്‍ സൗജന്യ മെഡിക്കല്‍ സേവനങ്ങള്‍ ലഭ്യമാക്കിയതായി യുഎഇ സുപ്രീം കൗണ്‍സില്‍ അംഗവും ഷാര്‍ജ ഭരണാധികാരിയുമായ ശൈഖ് ഡോ. സുല്‍ത്താന്‍ ബിന്‍ മുഹമ്മദ് അല്‍ ഖാസിമി പ്രഖ്യാപിച്ചു. ആശുപത്രിയിലേക്കും തിരിച്ചുമുള്ള ഗതാഗതവും അവരുടെ വ്യക്തിഗത പരിചരണവും ഉള്‍പ്പെടുന്നതാണ് സേവനമെന്ന് അദ്ദേഹം വ്യക്തമാക്കി.
ഷാര്‍ജ ബ്രോഡ്കാസ്റ്റിംഗ് അഥോറിറ്റി(എസ്ബിഎ)യുടെ ഡയറക്ട് ലൈന്‍ പ്രോഗ്രാമിലൂടെയാണ് ഷാര്‍ജ ഭരണാധികാരി ഇതുസംബന്ധിച്ച പ്രഖ്യാപനം നടത്തിയത്.