കൊയിലാണ്ടിയില്‍ കത്തിക്കരിഞ്ഞ മൃതദേഹത്തിന്റെ കൂടുതല്‍ ശരീര ഭാഗങ്ങള്‍ കണ്ടെത്തി

കോഴിക്കോട്: കൊയിലാണ്ടിയില്‍ പാടത്തിനരികെ കത്തിക്കരിഞ്ഞ മൃതദേഹത്തിന്റെ കൂടുതല്‍ ശരീര ഭാഗങ്ങള്‍ കണ്ടെത്തി. അരക്ക് മുകളിലുള്ള ഭാഗമാണ് പൂര്‍ണമായി കത്തിയ നിലയില്‍ കണ്ടെത്തിയത്. ഡ്രോണ്‍ ഉപയോഗിച്ചുള്ള പരിശോധനയിലാണ് ശരീര ഭാഗങ്ങള്‍ കണ്ടെത്തിയത്.

ഇന്ന് രാവിലെയാണ് കൊയിലാണ്ടി ഉള്ളൂരിലെ കുഴിയില്‍ താഴം എന്ന സ്ഥലത്തെ വയലിനരികില്‍ നിന്ന് കത്തിക്കരിഞ്ഞ നിലയില്‍ രണ്ട് കാലുകള്‍ കണ്ടെത്തിയത്. രൂക്ഷമായ ദുര്‍ഗന്ധം ഉണ്ടായതിനെ തുടര്‍ന്ന് നാട്ടുകാര്‍ നടത്തിയ തിരച്ചിലിനിടെയാണ് പുരുഷ്‌ന്റേതെന്ന് കരുതുന്ന മൃതദേഹത്തിന്റെ അവശിഷ്ടം കണ്ടെത്തിയത്. പിന്നീട് നാട്ടുകാര്‍ വിവരമറിയിച്ചതിനെ തുടര്‍ന്ന് പൊലിസെത്തി ഡ്രോണ്‍ ഉപയോഗിച്ച് നടത്തിയ പരിശോധനയിലാണ് കൂടുതല്‍ ശരീര ഭാഗങ്ങള്‍ കണ്ടെത്തിയത്. മൃതദേഹത്തിനടുത്ത് നിന്ന് രണ്ട ചെരുപ്പുകളും കണ്ടെത്തിയിട്ടുണ്ട്. ഡോഗ് സ്‌ക്വാഡും വിരലടയാള വിദഗ്ദരും സ്ഥലത്തെത്തി പരിശോധന ആരംഭിച്ചിട്ടുണ്ട്.