കാറിന് മുകളില്‍ മണ്ണിടിഞ്ഞു വീണു; സ്ത്രീ മരിച്ചു, അഞ്ചുപേര്‍ക്ക് പരിക്ക്

കുട്ടിക്കാനം: ഇടുക്കി കുട്ടിക്കാനത്തിനു സമീപം വളഞ്ഞങ്ങാനത്ത് നിര്‍ത്തിയിട്ടിരുന്ന കാറിനു മുകളിലേക്ക് പാറയും മണ്ണും ഇടിഞ്ഞുവീണു. അപകടത്തില്‍ കാറിലുണ്ടായിരുന്ന വയോധിക മരിച്ചു. ഉപ്പുതറ സ്വദേശി സോമിനി (67) ആണ് മരിച്ചത്. അഞ്ചുപേര്‍ക്ക് പരിക്കേറ്റു. രാത്രി ഏഴുമണിയോടെ ആയിരുന്നു അപകടം. കമ്പംമേട് സ്വദേശി സോമിനി ആണ് മരിച്ചത്. പൊലീസ് ഉദ്യോഗസ്ഥനും കുടുംബവും സഞ്ചരിച്ച വാഹനമാണ് അപകടത്തില്‍പ്പെട്ടത്.

പാഞ്ചാലിമേട്ടില്‍ പോയി മടങ്ങിവരുന്നതിനിടെയാണ് അപകടമുണ്ടായത്. പ്രദേശത്ത് അതിശക്തമായ മഴയാണ്. വാഹനം നിര്‍ത്തി വിശ്രമിക്കുന്നതിനിടെയാണ് അപകടം. പരിക്കേറ്റവരെ മുണ്ടക്കയത്തെ സ്വകാര്യ ആശുപത്രിയില്‍ പ്രവേശിപ്പിച്ചു.