നെയ്മറും സഊദിയിലേക്ക്; അല്‍ ഹിലാലുമായി ഇന്ന് കരാര്‍ ഒപ്പിട്ടേക്കും

ബ്രസീലിയന്‍ സൂപ്പര്‍ താരം നെയ്മര്‍ ജൂനിയര്‍ പി.എസ്.ജി വിട്ട് സഊദിയിലേക്ക് ചേക്കേറുന്നു. സഊദി ക്ലബ് അല്‍ ഹിലാലുമായി താരം ധാരണയിലെത്തിയതായി റിപ്പോര്‍ട്ട്. 160 ദശലക്ഷം യൂറോക്കാണ് അല്‍ ഹിലാല്‍ 31 കാരനെ സൗദിയിലേക്കെത്തിക്കുന്നത്. ഇന്ന് തന്നെ വൈദ്യപരിശോധന പൂര്‍ത്തിയാക്കി ക്ലബ്ബുമായി കരാര്‍ ഒപ്പിട്ടേക്കുമെന്നാണ് പുറത്ത് വരുന്ന റിപ്പോര്‍ട്ടുകള്‍. രണ്ട് വര്‍ഷത്തേക്കാണ് അല്‍ ഹിലാലുമായി താരം കരാറിലെത്തിയതെന്നാണ് സൂചന.