ദേശീയപാതയിൽ അപകടം; കാറിടിച്ച് ബൈക്ക് യാത്രികൻ മരിച്ചു

കൊച്ചി: ദേശീയപാതയിൽ നടന്ന അപകടത്തിൽ ബൈക്ക് യാത്രികന് ദാരുണാന്ത്യം. കാക്കനാട് വാടക്കോട് നോർത്ത് തൃക്കാക്കര നവനിർമ്മൻ റോഡിൽ പടനാട്ട് വീട്ടിൽ സിദ്ദീക്കാണ് (45) മരിച്ചത്. കറുകുറ്റി എലഗൻസ് ഹോട്ടലിന് സമീപമായിരുന്നു അപകടം. കാർ ഇടിച്ചാണ് ബൈക്ക് യാത്രികൻ മരിച്ചത്.

ഇന്ന് പുലർച്ചെ മൂന്നിനായിരുന്നു അപകടം. ബൈക്കിന് പിന്നിൽ കാറിടിക്കുകയായിരുന്നു. സിദ്ദീഖിന്റെ മൃതദേഹം അങ്കമാലി എൽ.എഫ് ആശുപത്രി മോർച്ചറിയിലേക്ക് മാറ്റി.