കടിയങ്ങാട്: ചങ്ങരോത്ത് എം.യു.പി സ്‌കൂള്‍ സാമൂഹ്യശാസ്ത്ര ക്ലബിന്റെ ആഭിമുഖ്യത്തില്‍ 'വിദ്യാപ്രഭാതം' പ്രദര്‍ശനം നടത്തി. ലോക നാട്ടറിവ് ദിനത്തിന്റെ ഭാഗമായി നടത്തിയ വിവര ശേഖരണത്തിനാണു വിദ്യാര്‍ഥികള്‍ സുപ്രഭാതം ദിനപത്രത്തോടൊപ്പം പ്രസിദ്ധീകരിക്കുന്ന 'വിദ്യാപ്രഭാതം' ശേഖരിച്ചു പ്രദര്‍ശിപ്പിച്ചത്.
ലോക വിവരങ്ങളും നാട്ടറിവുകളും മനസിലാക്കാന്‍ 'വിദ്യാപ്രഭാതം' ഏറെ സഹായകമാകുന്നതായി വിദ്യാര്‍ഥികള്‍ അഭിപ്രായപ്പെട്ടു. പ്രദര്‍ശനം പ്രധാനാധ്യാപകന്‍ കെ. കുഞ്ഞാലി ഉദ്ഘാടനം ചെയ്തു. കെ. റഷീദ് അധ്യക്ഷനായി. ടി.എം അബ്ദുല്‍ അസീസ്, എം.കെ റഷീദ്, എസ്. സുനന്ദ്, എം.കെ നിസാര്‍, ശിഹാബ് കന്നാട്ടി, സനിലകുമാരി, വി.പി നിശ പ്രസംഗിച്ചു. വി.കെ നാഫിഹ, സി.എ അര്‍ഷിദ, ഷിഫ്‌ന ഷെറിന്‍, നജ ഫാത്തിമ, റിഫ ഫാത്തിമ നേതൃത്വം നല്‍കി.