പ്രതീക്ഷ ഒമാൻ രക്തദാന ക്യാമ്പ് സംഘടിപ്പിച്ചു

മസ്കറ്റ്: പ്രതീക്ഷ ഒമാൻ മൂന്നു മാസങ്ങൾ കൂടുമ്പോൾ നടത്തി വരാറുള്ള രക്ത ദാന ക്യാമ്പ് ബോഷർ സെൻട്രൽ ബ്ലഡ് ബാങ്കിൽ വച്ച് വെള്ളിയാഴ്ച സംഘടിപ്പിച്ചു. ആരോഗ്യ മന്ത്രാലയവുമായി സഹകരിച്ചു കൊണ്ടാണ് സാമൂഹ്യ പ്രതിബദ്ധതയുടെ ഭാഗമായുള്ള ക്യാമ്പ് സംഘടിപ്പിച്ചത്. രാവിലെ എട്ടര മുതൽ ഉച്ചയ്ക്ക് ഒരു മണി വരെ നടന്ന ക്യാമ്പിൽ നിരവധിപ്പേർ പങ്കെടുത്തു.

ആരോഗ്യ മന്ത്രാലയത്തിലെ ഡോക്ടർമാരുടയും മറ്റു ജീവനക്കാരുടെയും സഹകരണം കൂടി ചേർന്നതോടെയാണ് പ്രതീക്ഷ ഒമാൻ സംഘടിപ്പിച്ച ക്യാമ്പ് വിജയകരമായാൽ. ക്യാമ്പിൽ പങ്കെടുത്ത എല്ലാവര്‍ക്കും പ്രതീക്ഷ ഒമാൻ അംഗങ്ങൾ ലഘു ഭക്ഷണം വിതരണം ചെയ്തു.

പ്രതീക്ഷ ഒമാൻ എക്സിക്യൂട്ടീവ് കമ്മറ്റി അംഗം ഡേവിസ് കൊല്ലന്നൂർ ആയിരുന്നു ഇത്തവണ നടന്ന രക്തദാന ക്യാമ്പിന്റെ കൺവീനർ. മറ്റു എക്സിക്യൂട്ടീവ് അംഗങ്ങങ്ങൾ ക്യാംപിനു നേതൃത്വം നൽകി.