കോഴിക്കോട്: ശ്രീകൃഷ്ണ ജയന്തിയോടനുബന്ധിച്ച് ഇന്ന് പകല്‍ രണ്ട് മുതല്‍ കോഴിക്കോട് നഗരത്തില്‍ ട്രാഫിക് പൊലിസ് ഗതാഗത നിയന്ത്രണം എര്‍പ്പെടുത്തി. നഗരത്തിന്റെ വിവിധ ഭാഗങ്ങളില്‍ നിന്നുള്ള ചെറിയ ശോഭയാത്രകള്‍ വന്നു നഗരത്തില്‍ പ്രവേശിച്ച് മഹാശോഭയാത്ര നടക്കുന്നതിനാല്‍ വാഹനങ്ങള്‍ പരമാവധി നഗരത്തില്‍ പ്രവേശിക്കരുത്. വാഹനങ്ങള്‍ രാമനാട്ടുകര ബൈപ്പാസ്, മിനി ബൈപ്പാസ് റോഡ്, ബീച്ച് റോഡ് എന്നിവ ഉപയോഗിക്കണം. പൊതുജനങ്ങള്‍ പരമാവധി വാഹനങ്ങള്‍ ഒഴിവാക്കി സഹകരിക്കണമെന്നും ട്രാഫിക് പൊലിസ് അറിയിച്ചു.