റഷ്യയുടെ ലൂണ 25 ചന്ദ്രനില്‍ തകര്‍ന്നുവീണു; ചന്ദ്രനില്‍ ഇടിച്ചിറങ്ങി

മോസ്‌കോ: റഷ്യയുടെ ചാന്ദ്രദൗത്യത്തിന് തിരിച്ചടി. ലൂണ 25 ചന്ദ്രനില്‍ തകര്‍ന്നുവീണതായി സ്ഥിരീകരണം. ഭ്രമണപഥം മാറ്റുന്നതിനിടെ നിയന്ത്രണം നഷ്ടമായ പേടകം ചന്ദ്രനില്‍ തകര്‍ന്നുവീഴുകയായിരുന്നുന്നെന്ന് അധികൃതര്‍ അറിയിച്ചു.

പേടകത്തിന് സാങ്കേതികതകരാര്‍ നേരിട്ടതായി അവര്‍ ഇന്നലെ അറിയിച്ചിരുന്നു. ചന്ദ്രനിലേക്ക് ഇറങ്ങുന്നതിന് തൊട്ടുമുന്‍പുള്ള ഭ്രമണപഥത്തിലേക്ക് പേടകത്തെ എത്തിക്കാനുള്ള ശ്രമത്തിലാണ് നിയന്ത്രണം നഷ്ടമായത്.

ഓഗസ്റ്റ് 11നാണ് ലൂണ 25 വിക്ഷേപിച്ചത്. നാളെ ചന്ദ്രനില്‍ ഇറങ്ങുന്ന തരത്തിലായിരുന്നു പദ്ധതി തയ്യാറാക്കിയിരുന്നത്. 50 വര്‍ഷത്തിനിടെ റഷ്യയുടെ ആദ്യ ചാന്ദ്ര ദൗത്യമായിരുന്നു ഇത്.