ഷാര്‍ജ: ഷാര്‍ജ കെഎംസിസി സംസ്ഥാന സെക്രട്ടറി കോഴിക്കോട് കാപ്പാട് സ്വദേശി തിരുവങ്ങൂര്‍ പൊയിലില്‍ സുബൈര്‍ (61) നിര്യാതനായി. തിങ്കളാഴ്ച പുലര്‍ച്ചെ ഷാര്‍ജയിലേക്ക് യാത്ര പുറപ്പെടാനിരിക്കെ നെഞ്ചുവേദനയെ തുടര്‍ന്നാണ് മരിച്ചത്. പരേതനായ തൈവളപ്പില്‍ മുഹമ്മദിന്റെയും പുറക്കാട് കൊപ്പരക്കണ്ടം മുല്ല വിരുത്തി ഹൗസിലെ പരേതയായ ഖദീജ കുട്ടിയുടെയും മകനാണ്. ഭാര്യ: ജസീറ നെടുളി കാപ്പാട്. മക്കള്‍: മുഹമ്മദ് ഷിബിലി, ഷാമില്‍ അബ്ദുല്ല, മുഹമ്മദ് ഷദാന്‍. സഹോദരങ്ങള്‍: അബ്ദുല്‍ മജീദ്, അബ്ദുന്നാസര്‍ കുറുവങ്ങാട്, അബൂബക്കര്‍, സഫിയ, സീനത്ത് പുറക്കാട്. മയ്യിത്ത് നമസ്‌കാരം തിങ്കളാഴ്ച രാവിലെ കാപ്പാട് ജുമാ ജുമാ മസ്ജിദില്‍ നടന്നു.