കേസിനെ ധൈര്യമായി നേരിടുമെന്ന് സതിയമ്മ; പിന്തുണച്ച് കോണ്‍ഗ്രസ്

കോട്ടയം: പുതുപ്പള്ളി തൊഴില്‍ വിവാദത്തില്‍ തനിക്കെതിരെയെടുത്ത കേസിനെ ധൈര്യമായി നേരിടുമെന്ന് സതിയമ്മ. നിയമപരമായി നേരിടും. മറ്റുകാര്യങ്ങളില്‍ ആലോചിച്ച് തീരുമാനമെടുക്കുമെന്നും സതിയമ്മ പറഞ്ഞു.കോണ്‍ഗ്രസ് നേതാക്കള്‍ ഒപ്പമുണ്ടെന്നും സതിയമ്മ കൂട്ടിചേര്‍ത്തു.

കേസ് രാഷ്ട്രീയപ്രേരിതമാണെന്ന് സതിയമ്മ ആരോപിച്ചു. സത്യസന്ധമായി മാത്രമേ ജോലി ചെയ്തിട്ടുള്ളൂ. താന്‍ ആശുപത്രിയില്‍ ജോലി ചെയ്യുന്നത് എല്ലാവര്‍ക്കുമറിയുന്ന കാര്യമാണെന്നും കേസിനെ ഭയക്കുന്നില്ലെന്നും സതിയമ്മ പറഞ്ഞു.
അതേസമയം കേസ് എടുത്തത് ജനാധിപത്യത്തിന് ചേര്‍ന്നതല്ലെന്ന് ചാണ്ടി ഉമ്മന്‍ പ്രതികരിച്ചു.

ലിജിമോളുടെ പരാതിയില്‍ കോട്ടയം ഈസ്റ്റ് പൊലീസാണ് സതിയമ്മയ്‌ക്കെതിരെ കേസ് രജിസ്റ്റര്‍ ചെയ്തത്.