അബുദാബി: ട്രാഫിക് പിഴ രണ്ടു മാസത്തിനകം മടച്ചാല്‍ 35 ശതമാനം ഡിസ്‌കൗണ്ട് അനുവദിക്കുമെന്ന് അബുദാബി പൊലീസ്. ലംഘനമുണ്ടായ തീയതി മുതല്‍ ആദ്യ 60 ദിവസങ്ങള്‍ക്കകം പിഴയടച്ചാലാണ് 35 ശതമാനം ഇളവ് ലഭിക്കുക. 60 ദിവസത്തിന് ശേഷം ഒരു വര്‍ഷത്തിനകമാണ് പിഴയടക്കുന്നതെങ്കില്‍ 25 ശതമാനം ഇളവാണ് ലഭിക്കുകയെന്നും അധികൃതര്‍ വ്യക്തമാക്കി.
എന്നാല്‍, ഗുരുതര ലംഘനങ്ങള്‍ ഇളവിന് ബാധകമല്ല. അബുദാബി പൊലീസുമായി ബന്ധമുള്ള ബാങ്കുകളില്‍ തവണകളായി പിഴയടക്കാവുന്നതാണ്. ഒരു വര്‍ഷത്തേക്ക് ഒരുവിധത്തിലുള്ള പലിശയും ഈടാക്കുന്നതല്ലെന്നും പൊലീസ് കൂട്ടിച്ചേര്‍ത്തു.