ഹാത്രാസ്: ഉത്തര്‍പ്രദേശിലെ ഹത്രാസില്‍ കന്‍വാര്‍ തീര്‍ത്ഥാടകരായ അഞ്ച് പേര്‍ ട്രക്ക് ഇടിച്ച് മരിച്ചു. രണ്ട് പേര്‍ക്ക് പരുക്കേറ്റു. ഒരാളുടെ നില ഗുരുതരം. ഇന്ന് പുലര്‍ച്ചെ 2.15 ഓടെയാണ് അപകടം നടന്നത്. സംഭവത്തെക്കുറിച്ച് അന്വേഷണത്തിന് ഉത്തരവിട്ടതായി ആഗ്ര ഏ.ഡി.ജി.പി രാജീവ് കൃഷ്ണ പറഞ്ഞു.

കന്‍വാര്‍ യാത്രയുടെ പശ്ചാത്തലത്തില്‍ മൊറാദാബാദിലെ എല്ലാ സ്‌കൂളുകള്‍ക്കും മറ്റ് സ്ഥാപനങ്ങള്‍ക്കും ജൂലൈ25നും 26നുംഅവധി നല്‍കിയിരിക്കുകയാണ്. തീര്‍ത്ഥാടകര്‍ തെരുവിലിറങ്ങുന്നതിനാലാണ് അവധി നല്‍കുന്നത്.ഉത്തരാഖണ്ഡിലെ ഹരിദ്വാര്‍,ഉത്തര്‍പ്രദേശിലെ മീററ്റ് എന്നിവിടങ്ങളിലും സ്‌കൂളുകള്‍ക്ക് അവധി നല്‍കിയിട്ടുണ്ട്.

കൊവിഡ് വ്യാപനം മൂലം കഴിഞ്ഞ രണ്ട് വര്‍ഷങ്ങളായി കന്‍വാര്‍ തീര്‍ത്ഥാടനം നടന്നിരുന്നില്ല.