ദുബൈ:വൈക്കം മുഹമ്മദ് ബഷീറിനെ അനുസ്മരിച്ചു. കേരള സോഷ്യല്‍ സെന്ററും ശക്തി തിയറ്റേഴ്‌സ് അബുദാബിയും സംയുക്തമായാണ് പരിപാടിസംഘടിപ്പിച്ചത്. ബഷീറിന്റെ ആകാശം എന്ന പേരില്‍ സംഘടിപ്പിച്ച പിരിപാടി ശ്രദ്ധേയമായി. മലയാള സാഹിത്യമണ്ഡലത്തില്‍ ഇതിഹാസ സമാനമായ സ്ഥാനമാണ് ബഷീറിനുള്ളതെന്ന് സമ്മേളനം അഭിപ്രായപ്പെട്ടു.
കേരള സോഷ്യല്‍ സെന്റര്‍ പ്രസിഡന്റ് വി. പി. കൃഷ്ണകുമാര്‍ അധ്യക്ഷത വഹിച്ചു. സെന്റര്‍ വൈസ് പ്രസിഡന്റ് റോയ് ഐ. വര്‍ഗീസ്, ജനറല്‍ സെക്രട്ടറി ഷെറിന്‍ വിജയന്‍, ശക്തി പ്രസിഡന്റ് ടി. കെ. മനോജ്, സാഹിത്യ വിഭാഗം സെക്രട്ടറി ബാബുരാജ് കുറ്റിപ്പുറം, അനു ജോണ്‍, ജമാല്‍ മൂക്കുതല സംസാരിച്ചു.റഫീഖ് കൊല്ലിയത്ത്, ജിനി സുജില്‍, ബിന്ദു ഷോബി എന്നിവര്‍ തയ്യാറാക്കിയ ഡോക്യുമെന്ററി പ്രദര്‍ശിപ്പിച്ചു. എം.എന്‍. കാരശ്ശേരി എഴുതിയ 'ബഷീര്‍മാല' അന്‍വര്‍ ബാബുവിന്റെ സംവിധാനത്തില്‍ ശക്തി ബാലസംഘം കോല്‍ക്കളി രൂപത്തില്‍ അവതരിപ്പിച്ചു. സഫറുല്ല പാലപ്പെട്ടി സ്വാഗതവും പ്രദീപ് കുറ്റിക്കോല്‍ നന്ദിയും പറഞ്ഞു.