കോഴിക്കോട്: യു.ഡി.എഫ് വിട്ടവരെ തിരികെകൊണ്ടുവരണമെന്നും യുഡിഎഫ് വിപുലീകരിക്കണമെന്നും ആഹ്വാനം ചെയ്ത് കോഴിക്കോട് നടക്കുന്ന കോണ്‍ഗ്രസ് ചിന്തന്‍ ശിബിരത്തില്‍ രാഷ്ട്രീയ പ്രമേയം. ഇടതുമുന്നണിയില്‍ അതൃപ്തരായ കക്ഷികളെ യു.ഡി.എഫിലെത്തിക്കണമെന്നും വി.കെ. ശ്രീകണ്ഠന്‍ അവതരിപ്പിച്ച പ്രമേയത്തില്‍ പറയുന്നു.

ബി.ജെ.പിക്ക് യഥാര്‍ഥ ബദല്‍ കോണ്‍ഗ്രസാണ്. യു.ഡി.എഫ് വിട്ട ജോസ് കെ. മാണിയേയും കൂട്ടരെയും തിരികെ കൊണ്ടുവരണം. ന്യൂനപക്ഷ വിഭാഗങ്ങളെ ഒപ്പം നിര്‍ത്താന്‍ ശ്രമിക്കണം. ക്രിസ്ത്യന്‍ വിഭാഗങ്ങള്‍ക്കിടയില്‍ കടന്നു കയറാനുള്ള ബി.ജെ.പി ശ്രമത്തിന് തടയിടണമെന്നും രാഷ്ട്രീയ പ്രമേയം ആഹ്വാനം ചെയ്യുന്നു.
രണ്ടു ദിവസമായി കോഴിക്കോട് നടക്കുന്ന കോണ്‍ഗ്രസ് ചിന്തന്‍ ശിബിര്‍ ഇന്ന് സമാപിക്കും.