ദുബൈ: കൊവിഡ് വാക്സിനും പി.സി.ആര്‍ ടെസ്റ്റുകളും ഇനിമുതല്‍ അബൂദബിയിലെ ഫാര്‍മസികളും ലഭ്യമാകും. അബൂദബി ആരോഗ്യ വിഭാഗമാണ് ഇക്കാര്യം അറിയിച്ചത്. കൊവിഡ് വാക്സിന്‍ സൗജന്യമായിരിക്കും. പി.സി.ആര്‍ പരിശോധനയ്ക്ക് 40 ദിര്‍ഹമാണ് ഈടാക്കുക. 18 വയസ് പൂര്‍ത്തിയായ ആര്‍ക്കും കൊവിഡ് വാക്സിന്‍ സ്വീകരിക്കാം. ഡി.ഒ.എച്ച് നല്‍കുന്ന കോഴ്സുകള്‍ പൂര്‍ത്തിയാക്കിയ ശേഷമാണ് നിരവധി ഫാര്‍മസികള്‍ വാക്സിനുകള്‍ നല്‍കുന്നത്. ഇവര്‍ക്ക് ആരോഗ്യ വിഭാഗം ഇതിനുള്ള അനുവാദവും ലൈസന്‍സിനൊപ്പം നല്‍കിയിട്ടുണ്ട്.