മുംബൈ: ശിവസേന നേതാവ് സഞ്ജയ് റാവത്തിനെ ഭൂമി തട്ടിപ്പ് കേസില്‍ ഇഡി കസ്റ്റഡിയിലെടുത്തു. മുംബൈയിലെ വസതിയില്‍ റെയ്ഡ് നടത്തിയതിന് പിന്നാലെയാണ് കസ്റ്റഡിയിലെടുത്തത്.

രണ്ട് തവണ സമന്‍സ് ലഭിച്ചിട്ടും സഞ്ജയ് റാവത്ത് ഇ.ഡിക്ക് മുന്‍പില്‍ ഹാജരായിരുന്നില്ല. തുടര്‍ന്നാണ് വീട്ടില്‍ പരിശോധന നടത്തിയത്. ബി.ജെ.പിയെ തീവ്രമായി വിമര്‍ശിക്കുന്ന റാവത്തിനെതിരെ മഹാരാഷ്ട്രയില്‍ ഏക്‌നാഥ് ഷിന്‍ഡെ അധികാരത്തിലെത്തിയതോടെയാണ് ഇ.ഡി അന്വേഷണം ശക്തമാക്കിയത്.

എന്നാല്‍ പോരാട്ടം തുടരുമെന്നും തനിക്കെതിരെ കള്ളക്കേസും വ്യാജ തെളിവുകളുമാണുള്ളതെന്നുമാണ് സഞ്ജയ് റാവത്തിന്റെ പ്രതികരണം.