ഭോപ്പാല്‍ മധ്യപ്രദേശിലെ ജബല്‍പുരില്‍ സ്വകാര്യ ആശുപത്രിയിലുണ്ടായ തീപിടുത്തത്തില്‍ 10 മരണം. നിരവധി പേര്‍ക്ക് പരിക്കേറ്റു. ജബല്‍പുരിലെ ദമോഹ് നാക്കയിലെ ന്യൂലൈഫ് മള്‍ട്ടിസ്‌പെഷ്യാലിറ്റി ഹോസ്പിറ്റലിലാണ് തീപിടുത്തമുണ്ടായത്.അഗ്നിരക്ഷാ സേനാ ഉദ്യോഗസ്ഥര്‍ സ്ഥലത്തെത്തി തീകെടുത്താനുള്ള ശ്രമത്തിലാണ്.ഇവിടെ ചികിത്സയിലുണ്ടായിരുന്ന രോഗികളെ സമീപത്തെ മറ്റൊരു ആശുപത്രിയിലേക്ക് മാറ്റി.
സംഭവത്തില്‍ 10 പേര്‍ മരിച്ചെന്ന് ജബല്‍പൂര്‍ കളക്ടര്‍ സ്ഥിരീകരിച്ചു.ഒന്നാം നിലയിലെ വൈദ്യുതി ബന്ധത്തിലുണ്ടായ ഷോര്‍ട്ട് സര്‍ക്ക്യൂട്ടാണ് തീപിടുത്തത്തിന് കാരണമെന്നാണ് പോലീസിന്റെ പ്രഥമിക നിഗമനം. മരിച്ചവരുടെ കുടുംബത്തിന് അഞ്ച് ലക്ഷം രൂപ നല്‍കുമെന്ന് മധ്യപ്രദേശ് മുഖ്യമന്ത്രി ശിവരാജ് സിംങ് ചൗഹാന്‍ അറിയിച്ചു.