ഗുരുവായൂര്‍: അഷ്ടമിരോഹിണിദിനത്തില്‍ ഗുരുവായൂര്‍ ദേവസ്വം നല്‍കിവരുന്ന ശ്രീഗുരുവായൂരപ്പന്‍ ക്ഷേത്രകലാപുരസ്‌കാരം നങ്ങ്യാര്‍കൂത്ത് കലാകാരി ഉഷാനങ്ങ്യാര്‍ക്ക് സമ്മാനിച്ചു. മേല്‍പ്പത്തൂര്‍ ഓഡിറ്റോറിയത്തില്‍ നടന്ന സാംസ്‌കാരിക സമ്മേളനത്തില്‍ പ്രശസ്ത നര്‍ത്തകി കലാമണ്ഡലം ക്ഷേമാവതിയാണ് പുരസ്‌കാര സമര്‍പ്പണം നടത്തിയത്. ദേവസ്വം ചെയര്‍മാന്‍ എന്‍. പീതാംബരക്കുറുപ്പ് അധ്യക്ഷനായി. ഭരണസമിതി അംഗങ്ങളായ കെ. കുഞ്ഞുണ്ണി, അഡ്വ. എ. സുരേശന്‍, പി.കെ സുധാകരന്‍, സി അശോകന്‍, അഡ്വ. കെ ഗോപിനാഥന്‍, അഡ്മിനിസ്‌ട്രേറ്റര്‍ ഹരിത വി. കുമാര്‍, എം.ആര്‍.എസ് മേനോന്‍ എന്നിവര്‍ പ്രസംഗിച്ചു. വൈകുന്നേരം മേല്‍പ്പത്തൂര്‍ ഓഡിറ്റോറിയത്തില്‍ ഉഷാനങ്ങ്യാരുടെ നങ്ങ്യാര്‍കൂത്ത് ഉള്‍പ്പെടെയുള്ള കലാപരിപാടികളും അരങ്ങേറി.