കൊച്ചി: സമയം സംബന്ധിച്ച തര്‍ക്കത്തെ തുടര്‍ന്ന് വൈറ്റില ഹബ്ബില്‍ ബസ്സുകളിലെ ജീവനക്കാര്‍ ഏറ്റുമുട്ടി. കത്തികൊണ്ടുള്ള ആക്രമണത്തില്‍ ബസ് ഡ്രൈവര്‍ സിജുവിന് പരുക്കേറ്റു. എറണാകുളം ഗുരുവായൂര്‍ റൂട്ടിലോടുന്ന ആറ്റുപറമ്പത്ത് ബസിലെ ഡ്രൈവര്‍ക്കാണ് പരുക്കേറ്റത്.
കൃത്യം നടത്തിയ കണ്ടക്ടര്‍ രാധാകൃഷ്ണനെ പൊലിസ് കസ്റ്റഡിയിലെടുത്തു. മൊബിലിറ്റി ഹബ്ബിനുള്ളിലാണ് തര്‍ക്കം തുടങ്ങിയത്. പിന്നീട് അത് സര്‍വീസ് റോഡിലേക്ക് മാറുകയായിരുന്നു. അവിടെ വച്ചാണ് കത്തിക്കുത്ത് ഉണ്ടായത്.