ദുബൈ:ഇനി ഇന്‍ഡിഗോയില്‍ റാസല്‍ ഖൈമയില്‍ നിന്നും ഇന്ത്യക്കു പറക്കാം. ഇന്‍ഡിഗോ എയര്‍ലൈന്‍സ് യു.എ.ഇയിലെ റാസല്‍ഖൈമയില്‍ നിന്ന് മുംബൈയിലേക്ക് നേരിട്ട് സര്‍വീസ് ആരംഭിക്കുന്നു. അടുത്തമാസം 22 മുതലാണ് ഇന്‍ഡിഗോ മുംബൈക്കും റാസല്‍ഖൈമക്കുമിടയിലെ സര്‍വീസ് തുടങ്ങുന്നത്.ഇന്‍ഡിഗോ വിമാനങ്ങള്‍ സര്‍വീസ് നടത്തുന്ന നൂറാമത്തെ നഗരമാണ് റാസല്‍ഖൈമ. തങ്ങള്‍ നേരിട്ട് സര്‍വീസ് ആരംഭിക്കുന്ന യു.എ.ഇയിലെ നാലാമത്തെ എമിറേറ്റാണ് റാസല്‍ഖൈമയെന്നും ഇന്‍ഡിഗോ അധികൃതര്‍ വ്യക്തമാക്കി. ദുബൈ, അബൂദബി, ഷാര്‍ജ എന്നീ എമിറേറ്റുകളിലേക്ക് ഇന്‍ഡിഗോ നേരത്തേ സര്‍വീസ് നടത്തുന്നുണ്ട്.