തൃശ്ശൂര്‍: ചേലക്കരയിലെ അംഗനവാടിയിലെ വാട്ടര്‍ ടാങ്കില്‍ ചത്ത എലിയേയും പുഴുക്കളേയും കണ്ടെത്തി. ചേലക്കര പാഞ്ഞാള്‍ തൊഴുപ്പാടം 28ാംനമ്പര്‍ അംഗന്‍വാടിയിലെ വാട്ടര്‍ ടാങ്കില്‍ നിന്നാണ് ചത്ത എലിയുടെയും, പുഴുകളുടെയും അവശിഷ്ടങ്ങള്‍ കണ്ടെത്തിയത്.

കുട്ടികള്‍ക്ക് അസുഖം വിട്ടുമാറാത്തതിനെ തുടര്‍ന്ന് അംഗന്‍വാടിയിലെത്തിയ രക്ഷിതാക്കള്‍ നടത്തിയ പരിശോധനയിലാണ് മലിനമായ വെള്ളമാണ് കുട്ടികള്‍ക്ക് നല്‍കിയതെന്ന് കണ്ടെത്തിയത്.

രക്ഷിതാക്കള്‍ വിവരമറിയിച്ചതിനെത്തുടര്‍ന്ന് ആരോഗ്യവകുപ്പ് അധികൃതര്‍ അംഗന്‍വാടിയിലെത്തി പരിശോധന നടത്തി. സംഭവത്തില്‍ ഇനിയൊരു അറിയിപ്പുണ്ടാകുന്നതുവരെ അംഗന്‍വാടി അടച്ചിടാന്‍ പഞ്ചായത്ത് ഭരണസമിതി തീരുമാനിച്ചു.