പാലക്കാട്: പാലക്കാട്ട് സി.പി.എം പ്രാദേശിക നേതാവ് ഷാജഹാന്‍ കൊല്ലപ്പെട്ട കേസില്‍ എട്ട് പ്രതികളെയും പൊലീസ് കസ്റ്റഡിയിലെടുത്തു. പ്രതികള്‍ കൊലപാതകത്തിനു ശേഷം മൂന്നു സംഘങ്ങളായി ഒളിവിലായിരുന്നു. പ്രതികളുടെ അറസ്റ്റ് നാളെ രേഖപ്പെടുത്തും.

14ന് വൈകുന്നേരം ചന്ദ്രനഗര്‍ ചാണക്യ ഹോട്ടലില്‍ പ്രതികള്‍ ഒത്തുകൂടിയിട്ടുണ്ടായിരുന്നുവെന്ന് പൊലീസ് വ്യക്തമാക്കി. കൃത്യത്തില്‍ നേരിട്ടു പങ്കെടുത്ത നവീന്‍, കൊലയാളികള്‍ക്ക് സഹായം നല്‍കിയ സിദ്ധാര്‍ത്ഥന്‍ എന്നിവര്‍ നേരത്തെ പൊലീസ് പിടിയിലായി. നവീന്‍ മൂന്നാം പ്രതിയും സിദ്ധാര്‍ത്ഥന്‍ അഞ്ചാം പ്രതിയുമാണ്. നവീന്‍ ഷാജഹാനെ നേരിട്ട് വെട്ടിയയാളാണെന്നാണ് വിവരം.