കൊല്ലം: കൊല്ലം കോര്‍പ്പറേഷന്‍ ഓഫീസിലെ മേയറുടെ മുറിക്ക് തീപിടിച്ചു.ഫയലുകളും,ഫര്‍ണിച്ചറുകളും,ടിവിയും,ഉള്‍പ്പടെ കത്തി നശിച്ചു.
ഷോര്‍ട്ട് സര്‍ക്ക്യൂട്ടാണ് അഗ്‌നിബാധക്ക് കാരണമെന്ന് പ്രാഥമിക നിഗമനം.

ഇന്ന് പുലര്‍ച്ചെ ഓഫീസില്‍ തീ പടരുന്നത് സെക്യൂരിറ്റി ജീവനക്കാരനാണ് ആദ്യം കാണുന്നത്. ഓഫീസ് മുറിയുടെ വടക്ക് ഭാഗത്ത് നിന്നാണ് തീ പടര്‍ന്നത്. വിവരമറിയിച്ചതിനെത്തുടര്‍ന്ന് കടപ്പാക്കട,ചാമക്കട, ഫയര്‍ഫോഴ്‌സ് യൂണിറ്റെത്തി ഒരു മണിക്കൂര്‍ നീണ്ട പരിശ്രമത്തില്‍ തീ കെടുത്തി.