കോഴികോട് •ദേശീയതയും മാനവികതയും ഉയര്‍ത്തിപ്പിടിച്ച കവിയായിരുന്നു ടി ഉബൈദെന്ന് ഇ.ടി മുഹമ്മദ് ബഷീര്‍ എം.പി. ടി.ഉബൈദ് സ്മാരക കെ.എം.സി.സി സാഹിത്യശ്രേഷ്ഠ അവാര്‍ഡ് ആലങ്കോട് ലീലാകൃഷ്ണന് സമര്‍പ്പിച്ച് സംസാരിക്കുകയായിരുന്നു അദ്ദേഹം.

ദുബൈ കെ.എം.സി.സി കാസര്‍കോട് ജില്ലാ കമ്മിറ്റിയുടെ ആഭിമുഖ്യത്തിലായിരുന്നു അവാർഡ്ദാന ചടങ്ങ്. ദുബൈ കെ.എം.സി.സി ജില്ലാ പ്രസിഡന്റ് അബ്ദുല്ല ആറങ്ങാടി അധ്യക്ഷനായി.
മുസ്‍ലിം ലീഗ് സംസ്ഥാന സെക്രട്ടറി ഇന്‍ ചാര്‍ജ് പി.എം.എ സലാം മുഖ്യപ്രഭാഷണം നടത്തി.

ജില്ലാ മുസ്‍ലിം ലീഗ് പ്രസിഡന്റ് ടി.ഇ അബ്ദുല്ല ആലങ്കോട് ലീലാകൃഷ്ണനെ പൊന്നാടയണിയിച്ചു. ജനറല്‍ സെക്രട്ടറി എ. അബ്ദുറഹ്‍മാന്‍ ക്യാഷ് അവാര്‍ഡ് നല്‍കി. ജലീല്‍ പട്ടാമ്പി അവാര്‍ഡ് ജേതാവിനെ പരിചയപ്പെടുത്തി. മുസ്‍ലിം ലീഗ് ജില്ലാ പ്രസിഡന്റ് ടി.ഇ അബ്ദുല്ല ജനറല്‍ സെക്രട്ടറി, എ. അബ്ദുറഹ്‍മാന്‍, ട്രഷറര്‍ കല്ലട്ര മാഹിന്‍ ഹാജി, ദുബൈ കെ.എം.സി.സി പ്രസിഡന്റ് എളേറ്റില്‍ ഇബ്രാഹിം, മുസ്‍ലിം ലീഗ് കോഴിക്കോട് ജില്ലാ സെക്രട്ടറി എം.എ റസാഖ് മാസ്റ്റര്‍, മുനീര്‍ ഹാജി എരിയാല്‍, മൂസബി ചെര്‍ക്കള, യൂത്ത് ലീഗ് സംസ്ഥാന വൈസ് പ്രസിഡന്റ അഷ്‌റഫ് എടനീര്‍, മാഹിന്‍ കേളോട്ട്, എം.സി കമറുദ്ദീന്‍, എ.ജി.സി ബഷീര്‍ അഷ്‌റഫ് കര്‍ള, കെ.ഇ.എ ബക്കര്‍ ഉദുമ, എം.പി ജാഫര്‍, ബഷീര്‍ വെള്ളിക്കോത്, ലത്തീഫ് നീലഗിരി, ഫൈസല്‍ എളേറ്റില്‍, ടി.പി ചെറുപ്പ, ഇ. സാദിഖ്, ജലീല്‍ പട്ടാമ്പി, എന്‍.എ.എം ജാഫര്‍, ആഷിഖ് ചെലവൂര്‍ സംബന്ധിച്ചു.