മലപ്പുറം: മലപ്പുറം കുറ്റിപ്പുറത്ത് മഞ്ചാടിയില്‍ അമിത വേഗതയില്‍ എത്തിയ കാര്‍ ഇടിച്ച് ബൈക്ക് യാത്രികന്‍ മരിച്ചു. ബൈക്കില്‍ സഞ്ചരിച്ചിരുന്ന പുത്തനത്താണി സ്വദേശി അബ്ദുല്‍ ഖാദര്‍ തല്‍ക്ഷണം മരിച്ചു.ഭാര്യ ഗുരുതര പരിക്കുകളോടെ ചികിത്സയിലാണ്.
കുറ്റിപ്പുറത്തു നിന്നും തിരൂരിലേക്ക് പോകുന്ന വഴിയില്‍ മഞ്ചാടിയിലാണ് ഇന്നലെ വൈകിട്ടോടെ അപകടം നടന്നത്. അമിത വേഗതയിലെത്തിയ ഇന്നോവ കാര്‍ ബൈക്കില്‍ ഇടിക്കുകയായിരുന്നു. അപകടത്തിന്റെ സിസിടിവി ദൃശ്യങ്ങള്‍ പുറത്തുവന്നു. ഇടിയുടെ ആഘാതത്തില്‍ ബൈക്ക് യാത്രക്കാരി മുകളിലേക്ക് തെറിച്ച് പോകുന്നത് ദൃശ്യത്തില്‍ കാണാം.