കോഴിക്കോട് • 'ധൈഷണിക വിദ്യാർഥിത്വം നൈതിക സംവേദനം' എന്ന പ്രമേയത്തിൽ എസ്.കെ.എസ്.എസ്.എഫ് സംസ്ഥാന കമ്മിറ്റി സംഘടിപ്പിക്കുന്ന കാംപസ് യാത്രയുടെ പതാക സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങൾ യാത്രാ നായകൻ പാണക്കാട് സയ്യിദ് ഹമീദലി ശിഹാബ് തങ്ങൾക്ക് കൈമാറി.

നിലവിലെ ലോകക്രമത്തെയും സാഹചര്യത്തെയും സംബന്ധിച്ച് വിഹഗവീക്ഷണം സ്വായത്തമാക്കണമെന്നും സങ്കീർണമായ ആഗോള ലിബറൽ അജൻഡകളോട് പൊരുതി ധൈഷണിക വിദ്യാഭ്യാസം നേടിയെടുക്കണമെന്നും ജിഫ്‌രി തങ്ങൾ വിദ്യാർഥികളോട് ആഹ്വാനം ചെയ്തു. നാളെ തിരുവനന്തപുരം കാര്യവട്ടം യൂനിവേഴ്‌സിറ്റി കാംപസിൽ നിന്ന് ആരംഭിക്കുന്ന യാത്ര, കേരളത്തിലെ തെരഞ്ഞെടുക്കപ്പെട്ട 37 സ്വീകരണ കേന്ദ്രങ്ങളിൽ 120 പ്രൊഫഷണൽ, ആർട്‌സ് ആൻഡ് സയൻസ് കാംപസിലെ വിദ്യാർഥികളുമായി സംവദിച്ച് സെപ്റ്റംബർ 24ന് മംഗലാപുരത്ത് വിദ്യാർഥി പൊതുസമ്മേളനത്തോടെ സമാപിക്കും. യാത്രയുടെ ഭാഗമായി പോക്കറ്റ് ഡയറി ഉൾപ്പെടുന്ന കിറ്റ് കാംപസ് യൂനിറ്റ് കമ്മിറ്റിക്ക് നൽകും. റോബോട്ടിക്‌സ് ഷോ, പുസ്തകവണ്ടി, ഡോക്യുമെന്ററി പ്രദർശനം എന്നിവ സജ്ജീകരിച്ച കാംപപസ് യാത്രയിൽ ജെൻഡന്റർ ന്യൂട്രാലിറ്റി, സ്വതന്ത്രചിന്ത, മതനിരാസം, മെറ്റീരിയലിസം, സയന്റിസം, എന്നീ ആധുനിക വാദങ്ങളിലും പാരമ്പര്യ വാദങ്ങളിലും വിദ്യാർഥികളുമായി സംവേദനം നടക്കും.ചെമ്മാട് ദാറുൽ ഹുദാ ഇസ് ലാമിക് യൂനിവേഴ്‌സിറ്റിയിൽ നടന്ന ചടങ്ങിൽ കെ.കെ.എസ് തങ്ങൾ വെട്ടിച്ചിറ, കെ.സി മുഹമ്മദ് ബാഖവി, റഹീം ചുഴലി, സയ്യിദ് ഫഖ്‌റുദ്ദീൻ തങ്ങൾ കണ്ണന്തളി, അയ്യൂബ് മാസ്റ്റർ മുട്ടിൽ, സയ്യിദ് ഹാഷിറലി ശിഹാബ് തങ്ങൾ, താജുദ്ധീൻ ദാരിമി പടന്ന, ആഷിഖ് കുഴിപ്പുറം, ഡോ. ജാബിർ ഹുദവി, സി.ടി അബ്ദുൽ ജലീൽ മാസ്റ്റർ, സയ്യിദ് മുബശ്ശിർ തങ്ങൾ ജമലുല്ലൈലി, ആർ.വി അബൂബക്കർ യമാനി, നൂറുദ്ധീൻ ഫൈസി, മുഹ് യിദ്ധീൻ കുട്ടി യമാനി, അനീസ് ഫൈസി മാവണ്ടിയൂർ, ഫാറൂഖ് ഫൈസി മണി മൂളി, സയ്യിദ് റഷീദലി തങ്ങൾ ദാരിമി, സയ്യിദ് നിയാസലി തങ്ങൾ മുഹമ്മദലി മാസ്റ്റർ, ആരിഫലി, കാമ്പസ് വിങ് സംസ്ഥാന സാരഥികളായ സിറാജ് ഇരിങ്ങല്ലൂർ, റഷീദ് മീനാർകുഴി, സൽമാൻ, റിയാസ്, മുഹമ്മദ് ഷാകിർ, എസ്.കെ.എസ്.ബി.വി സംസ്ഥാന ഭാരവാഹികളായ ഫർഹാൻ മില്ലത്ത്, ജസീബ് വെളിമുക്ക്, ഷമീൽ കള്ളിക്കൂടം സംബന്ധിച്ചു. എസ്.കെ.എസ്.എസ്.എഫ് സംസ്ഥാന സെക്രട്ടറി കെ.എ റഷീദ് ഫൈസി വെള്ളായിക്കോട്, കാംപസ് വിങ് സംസ്ഥാന കൺവീണർ ബാസിത് മുസ്് ലിയാരങ്ങാടി സംസാരിച്ചു.