മുണ്ടക്കുളം (മലപ്പുറം) • ശംസുൽ ഉലമ മെമ്മോറിയൽ ഇസ് ലാമിക് കോംപ്ലക്‌സിനു കീഴിൽ സയ്യിദ് മുഹമ്മദലി ശിഹാബ് തങ്ങൾ സ്മാരക തഫ്‌സീറുൽ ഖുർആൻ ഗവേഷണ കേന്ദ്രം (ഇരിതാഖ്) സംഘടിപ്പിക്കുന്ന രണ്ടാം ഉലമ കൊളോക്കിയം നാളെ രാവിലെ ഒമ്പതിനു മുണ്ടക്കുളം ജാമിഅ ജലാലിയ്യ കാംപസിൽ നടക്കും. തഫ്‌സീറുൽ ഖുർആനും പൂർവിക ആഖ്യാനങ്ങളും എന്നതാണ് പ്രമേയം.
ഇരിതാഖ് സെക്രട്ടറി ജനറൽ ഡോ. സയ്യിദ് മൂസൽ കാളിം മലേഷ്യ ഉദ്ഘാടനം ചെയ്യും. സമസ്ത കേന്ദ്ര മുശാവറ അംഗവും ഗ്ലോബൽ സമിതി പ്രസിഡന്റുമായ അബ്ദുസ്സലാം ബാഖവി അധ്യക്ഷനാവും. ഡോ. അബ്ദുൽ ബറ് വാഫി, ടി.എച്ച് മുഹമ്മദ് ദാരിമി, സി.കെ മൊയ്തീൻ ഫൈസി, സുഹൈൽ ഹിദായ ഹുദവി എന്നിവർ വിഷയാവതരണം നടത്തും.

അബ്ദുസ്സലാം ഫൈസി ഒളവട്ടൂർ, ഇബ്റാഹീം ഹൈതമി എടപ്പാൾ, ബാവ മുസ് ലിയാർ വെളിമുക്ക്, അലവി ഫൈസി കൊളപ്പറമ്പ്, കെ.സി അബൂബക്കർ ദാരിമി മണ്ണാർക്കാട്, എം.ടി അബൂബക്കർ ദാരിമി, ഡോ. സൈതാലി ഫൈസി, ഇബ്റാഹീം ദാരിമി ഇരുമ്പാലശേരി, കുഞ്ഞമ്മദ് മുസ്‌ലിയാർ കാട്ട്മുണ്ട ചർച്ചയിൽ പങ്കെടുക്കും.

അബ്ദുൽ ഹമീദ് ഫൈസി അമ്പലക്കടവ്, ളിയാഉദ്ദീൻ ഫൈസി മേൽമുറി, ഡോ. ബഹാഉദ്ദീൻ ഹുദവി, അബ്ദുൽ മാലിക് ഹുദവി, അബ്ദുല്ല ഖാസിമി കൊളപ്പറമ്പ് വിവിധ സെഷനുകൾക്കു നേതൃത്വം നൽകും.