തിരൂര്‍: ജില്ലാ പ്രൊമോഷന്‍ കൗണ്‍സില്‍ സംഘടിപ്പിച്ച ബീച്ച് ഫുട്‌ബോള്‍ ചാംപ്യന്‍ഷിപ്പില്‍ തിരൂര്‍ തുഞ്ചന്‍ മെമ്മോറിയല്‍ ഗവ. കോളജിന് കിരീടം. ജില്ലയിലെ വിവിധ കോളജുകളെയും ക്ലബുകളെയും പങ്കെടുപ്പിച്ച് നടത്തിയ ടൂര്‍ണമെന്റില്‍ 3-2 ന് മുന്‍വര്‍ഷത്തെ ചാംപ്യന്‍മാരെ പരാജയപ്പെടുത്തിയായിരുന്നു നേട്ടം. ടൂര്‍ണമെന്റിലെ മികച്ച കളിക്കാരനായി ടി.എം.ജി കോളജിലെ മുഹമ്മദ് റഹീസിനെ തെരഞ്ഞെടുത്തു.
ജേതാക്കള്‍ക്ക് കോളജിലെ പൂര്‍വവിദ്യാര്‍ഥി സംഘടനയും സ്റ്റാഫ് ക്ലബും ചേര്‍ന്ന് സ്വീകരണം നല്‍കി. സ്വീകരണ പരിപാടിയില്‍ അലുംമിനി പ്രസിഡന്റ് മെഹര്‍ഷ, പ്രൊഫ. രജീഷ് കുമാര്‍, പ്രൊഫ. എം.എസ് അജിത്ത്, പ്രൊഫ. അബിളി, പ്രൊഫ. ഷൈനി, സ്റ്റാഫ്ക്ലബ് സെക്രട്ടറി പ്രൊഫ. അനില്‍കുമാര്‍, കായിക വകുപ്പ് മേധാവി ലഫ്റ്റനന്റ് ഷുക്കൂര്‍ ഇല്ലത്ത് സംസാരിച്ചു.