മക്ക: എസ്.വൈ.എസ് മക്ക കമ്മിറ്റിയുടെ ആഭിമുഖ്യത്തില്‍ നടത്തിവരാറുള്ള മജ്‌ലിസുന്നൂറിന്റെ വാര്‍ഷിക മഹാസംഗമം ഹോട്ടല്‍ റയാന്‍ ഓഡിറ്റോറിയത്തില്‍ നടന്നു.
എസ്.വൈ.എസ് സെക്രട്ടറി ഹാജി കെ.മമ്മദ് ഫൈസി ഉദ്ഘാടനം ചെയ്തു. പാണക്കാട് സയ്യിദ് ഹാശിറലി ശിഹാബ് തങ്ങള്‍ പ്രാര്‍ഥനയ്ക്ക് നേതൃത്വം നല്‍കി. അബ്ദു സമദ് പൂക്കോട്ടൂര്‍ മുഖ്യപ്രഭാഷണം നടത്തി. ഹാജിമാര്‍ക്കായി എസ്.വൈ.എസ് പുറത്തിറക്കുന്ന ലഘുലേഖ സമസ്ത മുശാവറ അംഗം ചെറുവാളൂര്‍ ഹൈദ്രോസ് മുസ്‌ലിയാര്‍ പ്രകാശനം ചെയ്തു. പൊന്‍മള കരീം ബാഖവി അധ്യക്ഷനായി.
സയ്യിദ് അബ്ദുറഹ്മാന്‍ ജിഫ്്‌രി തങ്ങള്‍, ഡോ. ബഷീര്‍ ഫൈസി ദേശമംഗലം,എം.പി. കടുങ്ങല്ലൂര്‍, സി.എച്ച് ത്വയ്യിബ് ഫൈസി, ആനമങ്ങാട് മുഹമ്മദ് കുട്ടി ഫൈസി, റഫീഖ് ഫൈസി, ബഷീര്‍ ഫൈസി, കുഞ്ഞി മോന്‍ കാക്കിയ, മുജീബ് പൂക്കോട്ടൂര്‍, ഹംസ ഹാജി മണ്ണാര്‍മല, സലാം കൂട്ടില്‍, സിദ്ദീഖ് പരപ്പനങ്ങാടി, മുനീര്‍ ഫൈസി, ശരീഫ് കരുവാരകുണ്ട്. എസ്. മുഹമ്മദ് തുടങ്ങിയവര്‍ നേതൃത്വം നല്‍കി. അശ്‌റഫ് മിസ്ബാഹി സ്വാഗതവും കണ്‍വീനര്‍ സൈനുദ്ദീന്‍ അന്‍വരി നന്ദിയും പറഞ്ഞു.