തൃശൂര്‍: ലോകായുക്ത നിയമ ഭേദഗതിയില്‍ രണ്ടാം ഇടത് സര്‍ക്കാരിനെതിരെ തൃശൂര്‍ അതിരൂപത മുഖപത്രം 'കത്തോലിക്കാസഭ. അഴിമതിക്ക് ലൈസന്‍സ് നല്‍കുന്നതിന് തുല്യമാണ് നിയമ ഭേദഗതിയെന്നാണ് മുഖപത്രത്തിലെ വിമര്‍ശനം. ഇടത് സര്‍ക്കാരിന്റെ വിശ്വാസ്യത കുറച്ച നടപടി, രാഷ്ട്രീയ കുതിരക്കച്ചവടത്തിന് വഴി തുറക്കും.

അഴിമതിക്കാരായ രാഷ്ട്രീയക്കാര്‍ക്ക് രക്ഷപെടാന്‍ അവസരമൊരുങ്ങും. പുതിയ ഭേദഗതി ലോകായുക്തയെ നിര്‍വ്വീര്യമാക്കുന്നതാണ്. പ്രതിസ്ഥാനത്തുള്ളവരെ ലോകായുക്ത വിധി തിരുത്താന്‍ ഏല്‍പ്പിച്ചു കൊടുക്കുന്നതിനെ എങ്ങനെ ന്യായീകരിക്കുമെന്നും അഴിമതിക്ക് ലൈസന്‍സോ എന്ന തലക്കെട്ടിലുള്ള ലേഖനത്തില്‍ സര്‍ക്കാര്‍ വിമര്‍ശിക്കുന്നു.

ലോകയുക്തയുടെ അധികാരം വെട്ടിക്കുറക്കുന്ന ബില്‍ പ്രതിപക്ഷ എതിര്‍പ്പിനെ മറികടന്നാണ് നിയമസഭ പാസാക്കിയത്. ചരിത്രത്തിലെ കറുത്ത ദിനമെന്ന വിമര്‍ശനമുയര്‍ത്തി വോട്ടെടുപ്പിന് മുന്‍പ് പ്രതിപക്ഷം സഭ ബഹിഷ്‌ക്കരിച്ചു