തിരുവനന്തപുരം:കോണ്‍ഗ്രസ് അധ്യക്ഷ സ്ഥാനത്തേക്ക് മത്സരിക്കാന്‍ ശശി തരൂര്‍ യോഗ്യനെന്ന് കെപിസിസി പ്രസിഡന്റ് കെ സുധാകരന്‍. കോണ്‍ഗ്രസ് ഒരു ജനാധിപത്യ പാര്‍ട്ടിയായതിനാല്‍ ജനാധിപത്യ പ്രക്രിയയിലൂടെയാണ് അധ്യക്ഷനെ കണ്ടെത്തുന്നതും. അതുകൊണ്ട് തന്നെ മത്സരിക്കാന്‍ എല്ലാവര്‍ക്കും യോഗ്യതയുണ്ടെന്നും ശശി തരൂരിന് മത്സരിക്കാന്‍ താല്‍പര്യമുണ്ടെങ്കില്‍ അദ്ദേഹം മത്സരിക്കട്ടെ, കൂടുതല്‍ വോട്ടു കിട്ടുന്നവര്‍ വിജയിക്കുമെന്നും സുധാകരന്‍ വ്യക്തമാക്കി.