തിരുവനന്തപുരം: പാര്‍ട്ടി ഏല്‍പ്പിച്ച ഉത്തരവാദിത്വം നന്നായി നിര്‍വഹിക്കുമെന്ന് നിയുക്ത സ്പീക്കര്‍ എഎന്‍ ഷംസീര്‍. മന്ത്രിയാകുമെന്ന് പ്രതീക്ഷിച്ചിരുന്നോ എന്ന മാധ്യമപ്രവര്‍ത്തകരുടെ ചോദ്യത്തിന് ഷംസീറിന്റെ മറുപടി ഇങ്ങനെ; സ്പീക്കര്‍ എന്നാല്‍ ' വണ്‍ ഹു കനോട്ട് സ്പീക്ക്' എന്നാണ്. തല്‍ക്കാലം ഇത്ര പോരെയെന്നും അദ്ദേഹം പറഞ്ഞു.

ഇന്ന് ചേര്‍ന്ന സി.പി.എം സംസ്ഥാന സെക്രട്ടേറിയറ്റ് യോഗമാണ് എം.ബി രാജേഷിനെ മന്ത്രിയായും ഷംസീറിനെ സ്പീക്കറായും തീരുമാനിച്ചത്.എം.വി ഗോവിന്ദന്‍ മന്ത്രിസ്ഥാനം രാജിവെച്ച ഒഴിവിലേക്ക് വരുന്ന സ്പീക്കര്‍ എംബി രാജേഷ് ചൊവ്വാഴ്ച മന്ത്രിയായി സത്യപ്രതിജ്ഞ ചെയ്യും.