മോസ്‌കോ; ജര്‍മ്മനിയിലേക്കുള്ള വാതക പൈപ്പ്‌ലൈനുകള്‍ തുറക്കില്ലെന്ന് അറിയിച്ച് റഷ്യന്‍ സ്റ്റേറ്റ് എനര്‍ജി സ്ഥാപനമായ ഗ്യാസ്‌പ്രോം. നോര്‍ഡ് സ്ട്രീം 1 പൈപ്പ് ലൈനിലെ ഒരു ടര്‍ബൈനില്‍ എണ്ണ ചോര്‍ച്ച കണ്ടെത്തിയതിനെ തുടര്‍ന്ന് അറ്റകുറ്റപ്പണികള്‍ക്കായി കഴിഞ്ഞ മൂന്ന് ദിവസമായി അടച്ചിരുന്ന പൈപ്പ് ലൈനുകള്‍ ഇന്നു മുതല്‍ അനശ്ചിതകാലത്തേക്കാണ് റഷ്യ അടക്കുന്നത്. റഷ്യ ഉക്രെയ്‌നിനെ ആക്രമിച്ചതിനുശേഷം കുതിച്ചുയര്‍ന്ന ഊര്‍ജ്ജ വിലയും വാതക പൈപ്പ് ലൈനുകള്‍ അടക്കുന്നതോടെ ഉണ്ടാകുന്ന വാതക ലഭ്യതക്കുറവും യൂറോപ്യന്‍ യൂണിയനെ പ്രതികൂലമായി ബാധിക്കും.

റഷ്യയുടെ യുക്രൈന്‍ അധിനിവേശത്തെ തുടര്‍ന്ന് ഏര്‍പ്പെടുത്തിയ ഉപരോധങ്ങള്‍ക്ക് പ്രതികാരമായി, ഊര്‍ജ്ജ വിതരണത്തെ ഒരു സാമ്പത്തിക ആയുധമായി ഉപയോഗിക്കുന്നതിന്റെ ഭാഗമായാണ് വാതക പൈപ്പ് ലൈനുകള്‍ അടക്കുന്നത് എന്ന ആരോപണത്തെ റഷ്യ നിരാകരിച്ചു.