ലണ്ടന്‍:ലോകത്തിലെ വന്‍ സാമ്പത്തിക ശക്തികളുടെ പട്ടികയില്‍ അഞ്ചാം സ്ഥാനം ഉറപ്പിച്ച് ഇന്ത്യ. ബ്രിട്ടനെ മറികടന്നാണ് ഇന്ത്യ അഞ്ചാം സ്ഥാനത്തെത്തിയത്. അമേരിക്ക,ചൈന,ജപ്പാന്‍,ജര്‍മനി,എന്നീ രാജ്യങ്ങളാണ് ഒന്നു മുതല്‍ നാലുവരെയുള്ള സ്ഥാനങ്ങളില്‍. ആറാം സ്ഥാനത്താണ് ബ്രിട്ടന്റെ സ്ഥാനം.

പത്ത് വര്‍ഷം മുന്‍പ് നടത്തിയ കണക്കെടുപ്പില്‍ ഇന്ത്യ 11ാം സ്ഥാനത്തും ബ്രിട്ടന്‍ അഞ്ചാം സ്ഥാനത്തും ആയിരുന്നു. 2021ലെ അവസാന മൂന്നുമാസങ്ങളിലെ പ്രകടനം ഇന്ത്യക്ക് തുണയായപ്പോള്‍ ജീവിത ചെലവുകള്‍ ഉയര്‍ന്നതാണ് ബ്രിട്ടന് തിരിച്ചടിയായത്. ഡോളര്‍ അടിസ്ഥാനപ്പെടുത്തിയാണ് പട്ടിക തയ്യാറാക്കുന്നത്. അന്താരാഷ്ട്രനാണ്യനിധിയില്‍നിന്നുള്ള ജിഡിപി കണക്കുകള്‍ പരിശോധിക്കുമ്പോള്‍ ആദ്യ പാദത്തില്‍ ഇന്ത്യ
മികവ് തുടരുന്നുണ്ട്്. രാജ്യത്തെ ഓഹരിസൂചികകളിലുണ്ടായ മുന്നേറ്റം ഇന്ത്യക്ക് കൂടുതല്‍ ഗുണം ചെയ്യുമെന്നും നടപ്പു സാമ്പത്തികവര്‍ഷം ഇന്ത്യ ഏഴു ശതമാനത്തിലേറെ വളര്‍ച്ച കൈവരിക്കുമെന്നുമാണ് പ്രവചനം.