ദുബൈ: പ്രഗ്‌നാനന്ദയെ ദുബൈയില്‍ ആദരിച്ചു. ഇന്ത്യയുടെ അഭിമാനമായി മാറിയ ചെസ്സ് മാസ്റ്റര്‍ പ്രഗ്‌നാനന്ദയെയാണ് ടീം ടോളറന്‍സ് യു.എ.ഇയുടെ നേതൃത്വത്തില്‍ ആദരിച്ചത്.പതിനാറാം വയസ്സില്‍ ആദ്യമായി മാഗ്‌നസ് കാള്‍സനെ പരാജയപ്പെടുത്തിയ ചെസ്് മാസ്റ്ററാണ് പ്രഗ്‌നാനന്ദ.ദുബൈ ചെസ്സ് ആന്റ് കള്‍ച്ചറല്‍ സെന്ററില്‍ മത്സരത്തിനായി എത്തിയതായിരുന്നു താരം. ചടങ്ങില്‍ ടീം ടോളറന്‍സ് ചെയര്‍മാന്‍ സി.സാദിഖ് അലി പൊന്നാടയണിയിച്ചു. ഉപഹാരമായി ഇരു രാഷ്ട്ര നേതാക്കളുടെയും ചിത്രങ്ങള്‍ പ്രഗ്‌നാനന്ദക്ക് കൈമാറി.സുല്‍ഫിക്കര്‍ അബൂബക്കര്‍ അധ്യക്ഷത വഹിച്ചു.അഡ്വ. ഷബീല്‍ ഉമര്‍, ലോലിത് ലോഹിദാക്ഷന്‍, ഷൈജു ഡാനിയേല്‍, ഷാഫി അഞ്ചങ്ങാടി, ഷാഫി. കെ.കെ,നാസര്‍ പെരിങ്ങാട്ട്, മുഹസിന്‍ മുബാറക്ക് സംസാരിച്ചു.