കൊച്ചി: ആധുനിക ഹൈബ്രിഡ് സാങ്കേതിക വിദ്യയില്‍ നിര്‍മ്മിക്കുന്ന ഹോണ്ട അക്കോഡ് കാര്‍ ഈ വര്‍ഷം തന്നെ ഇന്ത്യയില്‍ എത്തുമെന്ന് ഹോണ്ട കാര്‍സ് ഇന്ത്യ സി.ഇ.ഒയും പ്രസിഡന്റുമായ യോയിചിറോ യൂനോ പറഞ്ഞു.

ആഡംബര കാര്‍വിഭാഗത്തില്‍പ്പെട്ട അക്കോഡിന്റെ വിലയെക്കുറിച്ചും സാങ്കേതിക മികവുകളെക്കുറിച്ചും ഇപ്പോള്‍ പറയാന്‍ കഴിയില്ലെങ്കിലും വിലയുടെ കാര്യത്തില്‍ കുറവുണ്ടാകില്ലെന്ന്് അദ്ദേഹം പറഞ്ഞു. മറ്റ് കാറുകളേക്കാള്‍ 20 ശതമാനം വരെ കൂടുതല്‍ വില ഇറക്കുമതി ചെയ്യുന്ന പുതിയ ഹൈബ്രിഡ് കാറിന് നല്‍കേണ്ടിവരും. രാജ്യത്തെ ഹോണ്ടയുടെ മുന്നൂറാമത് ഷോറും പെര്‍ഫെക്ട് ഹോണ്ട കൊച്ചിയില്‍ ഉദ്ഘാടനം ചെയ്ത ശേഷം സംസാരിക്കുകയായിരുന്നു അദ്ദേഹം.