കോട്ടയം: കോട്ടയം തിടനാട് വെട്ടിക്കുളത്ത് കാര്‍ തോട്ടിലേക്ക് മറിഞ്ഞ് ഒരാള്‍ മരിച്ചു. വെട്ടിക്കുളം സ്വദേശി സിറിള്‍(32) ആണ് മരിച്ചത്.

തിടനാട് ടൗണില്‍ നിന്ന് മടങ്ങുംവഴി ഇറക്കത്തില്‍ നിയന്ത്രണം വിട്ട കാര്‍ തോട്ടിലേക്ക് മറിഞ്ഞതാകുമെന്നാണ് പൊലിസിന്റെ നിഗമനം. ഞായറാഴ്ച്ച രാത്രിയിലാണ് അപകടമുണ്ടായത്.

പുലര്‍ച്ചെ തോടിന് സമീപത്തുള്ള റോഡിലൂടെ പോയ യാത്രക്കാരാണ് കാര്‍ മറിഞ്ഞുകിടക്കുന്ന വിവരം പൊലിസിനെ അറിയിച്ചത്.