ചെറുവത്തൂര്‍: ചെറുവത്തൂര്‍ ഉപജില്ലാ സാമൂഹ്യ ശാസ്ത്ര ക്ലബ് അസോസിയേഷന്‍ എം.വി കുഞ്ഞികൃഷ്ണന്‍ മാസ്റ്റര്‍ അനുസ്മരണവും വാര്‍ത്താ വായന മത്സരവും സംഘടിപ്പിച്ചു.
പിലിക്കോട് ഗവ. ഹയര്‍ സെക്കന്‍ഡറി സ്‌കൂളില്‍ നടന്ന അനുസ്മരണയോഗം ഉപജില്ലാ വിദ്യാഭ്യാസ ഓഫിസര്‍ ടി.എം സദാനന്ദന്‍ ഉദ്ഘാടനം ചെയ്തു. സ്‌കൂള്‍ പ്രധാനാധ്യാപകന്‍ കെ.പി രാജശേഖരന്‍ അധ്യക്ഷനായി. ശശിധരന്‍ അടിയോടി അനുസ്മരണ പ്രഭാഷണം നടത്തി.
സാമൂഹ്യശാസ്ത്ര എക്‌സലന്‍സി അവാര്‍ഡ് വിതരണവും ചടങ്ങില്‍ നടന്നു. പി.സി ചന്ദ്രമോഹനന്‍, ടി. മോഹനന്‍, അബ്ദുല്‍ ബഷീര്‍ എം.എ, കെ. ബാലചന്ദ്രന്‍ സംസാരിച്ചു. വാര്‍ത്താ വായന മത്സരത്തില്‍ ഉദിനൂര്‍ ഗവ. ഹയര്‍ സെക്കന്‍ഡറി സ്‌കൂളിലെ നന്ദന.കെ ഒന്നും പിലിക്കോട് ഹയര്‍സെക്കന്‍ഡറിയിലെ ഉണ്ണിമായ ബി.എസ് രണ്ടും സ്ഥാനം നേടി. വിജയികള്‍ക്ക് കെ.പി രാജശേഖരന്‍ സമ്മാനങ്ങള്‍ വിതരണം ചെയ്തു.