കാസര്‍കോട്: മഡ്ക്ക ചൂതാട്ടത്തില്‍ ഏര്‍പ്പെട്ട പതിനൊന്നുപേരെ പൊലിസ് അറസ്റ്റു ചെയ്തു. ആറുപേരെ കാസര്‍കോട് പൊലിസും അഞ്ചുപേരെ കുമ്പള പൊലിസുമാണ് പിടികൂടിയത്.
 ലോട്ടറി റെഗുലേഷന്‍ ആക്ട് പ്രകാരമാണ് ഇവരെ പിടികൂടിയത്. കാസര്‍ക്കോട് അടുക്കത്ത് ബെയ്ല്‍ ഗുഡ്ഡെ ടെമ്പിള്‍ റോഡിലെ കെ.ആര്‍ ഗണേഷ്(43), ബദിയടുക്ക കടുപ്പംകുഴിയിലെ കെ. മുഹമ്മദ് കുഞ്ഞി(35), കുഞ്ചത്തൂരിലെ അരുണ്‍(34), മൊഗ്രാല്‍ പുത്തൂര്‍ കുന്നില്‍ മുഹമ്മദ് നവാസ്(29), ബീരന്ത് വയലിലെ വസന്ത(35), ആസ്വിനി നഗറിലെ ജീവന്‍(29) എന്നിവരെയാണ് കാസര്‍കോട് പൊലിസ് അറസ്റ്റു ചെയ്തത്. 22,820 രൂപയും, മൂന്നു മൊബൈല്‍ ഫോണുകളും പൊലിസ് പിടിച്ചെടുത്തു.
കോയിപ്പാടി കടപ്പുറത്തെ നാരായണന്‍(38), നായ്ക്കാപ്പിലെ ജഗന്നാഥ(35), ജയകിരണ്‍(39), കോയിപ്പാടി കടപ്പുറത്തെ ശ്രീധരന്‍(39), കുമ്പളയിലെ ജഗന്നാഥ(35) എന്നിവരെയാണ് കുമ്പള പൊലിസ് അറസ്റ്റു ചെയ്തത്. 1640 രൂപ ഇവരില്‍നിന്നും പൊലിസ് കണ്ടുകെട്ടി.